FRANCOFURTUM ad Moenum

FRANCOFURTUM ad Moenum

Gallis Francfort sur le Mein, quasi vadum seu traiectus Francorum:

——— quia Carolus illic

Saxonas indomita nimium feritate rebelles

Oppugnans, rapidi latissimae flumina Mogi

Ignoto fregisse vado, mediumque per amnem

Transmisisse suas neglecto ponte cohortes

Creditur:

Gunther. Ligurin l. 1. Germanis autem Furt vadum denotat. Alii tamen iam ante Carolum Mag. Francofurti nomen habuisse contendunt, illamqueve volunt a Franconibus conditam, atqueve, postquam collapsa esset a Franco Marcomiri IV. silio Duce Francorum fuisse repararam. Urbs est ampla, elegans, princeps olim Orientalis regni Francici sedes, Rhegino Chronic. l. 2. Ioh. Faust de Aschaftenburg Chron. Francof. Nunc ibi Dietae Imperiales celebrantur pro electione Impp. Rom. Praeterea Nundinis suis, per annum binis, celeberrima est, unde quis merito cum Paulo Melisso,

Ut Gallia nunc Galliae

Dici potest Lutctia:

Sic Francofurtum, nundinas

Propter frequentes, nominet

Germaniam Germaniae.

Eius suburdium ex adverso fluvii situm, vulgo dicitur Saxenhausen, quasi Saxonum domus, ubi Fanum S. Bartholomaei est, a Pipino olim Francorum Rege Salvatori dicatum: ac demum ab huius filio Carolo Mag. splendide dotatum. Urbi non parvus splendor accessit, a privilegiis, quae amplissima, electionem Imp. sedem Camerae Imper. ius in arte gladiatoria Magistros creandi, a Friderico III. non alienationem, ab Vilhelmo, et Carolo IV. immunitatem a fortalitio, ab Richardo: aliasque res concernentia ab Ludovico Bav. Sigismundo, Wenceslao, aliis Impp. accepit. Nundinas, quae primum Moguntiae fuêrunt, transtulit huc Fridericus II. Abstulit Garolus IV. cum Francofurtenses Gunthero Anti-Caesari adhaererent. reddiditqueve, hoc cedente, acceptis 20000. marcarum, quas Iudaei persolvêrunt: qui hodieque partem urbis possident, sed certo signo notati, ut facile possint dignosci. Cives divisi in Patritios, Patritiis proximos, et plebeios: quorum Tribus, et Tribunitia potestas (ex solis enim prioribus duobus civium generibus Scabini, et Consules legi solent) propter rebellionem A. G. 1616. abrogatae. Augustanae Confessioni maximam partem addicta urbs est, aliqui tamen et Latinorum ibi conventus: in proximo pago Bockenheim Reformatis civibus sacris locus est. Concilium Francofurti, A. C. 797. ab Carolo Mag. habitum ob frequentiam Episcoporum 300. praeter Abbates, Concilium Occidentis dictum est: in quo Imaginum usus historicus approbatus, adoratio damnata, Graecorum Nicena Synodus, A.C. 788. celebrata, destructa, acta rescissa, decretumqueve, ut Pseudosynodus diceretur: imo et refutatio eius nomine Caroli Mag. contexta est. Aliud ibidem habitum est A. C. 1006. cum de Ecclesia Bambergensi in Cathedralem evehenda ageretur. Item A. C. 1024. Ditmar. l. 6. Tom. V. Concil. Venit et huc Bernardus, belli sacri tuba A. C. 1147. ad quem visendum tanta hominum confluxit turba, ut Conradus III. Imp. depositâ chlamyde ipsum in ulnas suscipere,

et de Basilica asportare coactus sit. Disputavit hîc pro indulgentiis Tecelius A. C. 1517. Belgicam Ecclesiam excitavit, ex Anglia redux Ioh. a Lasco, dato ei Pastore Petro Datheno, A. C. 1556. Casimirus quoqueve Palatinus cum Legatis variorum regnorum, ab Ecclesiis missis, de iniqua libri Concordiae censura ibidem conquestus est, A. C. 1577. etc. Vide Limnaeum Enucl. l. 4. c. 17. Laetum Comp. Hist. Univ. Cl. Ottonem IC. Notis ad B. Rhenan. Rer. Germ. l. 3. p. 429. et 430. etc. Ioh. Ludovicus Gansius, sic de urbe:

Gallia Lugdunum miratur: at Itala tellus

Rem Venetam, Hispanos operosa Sevillia iactat,

Londinum Tamesis, spatiosa Antverpia Scaldem,

Ast ego Teutonicas inter caput altius urbes

Effero.

Et paulo post:

Sola ego Caesaribus quondam delecta creandis

Glorior, et celebris mercatu duplice nomen

Usque ad Amaxobios peregrinâ merce propago:

Est facundus ager, populus cum divite censu,

Caesaribus servata fides, prudensque Senatus,

Haec mihi cum constent, quis me neget esse beatam?

2. leucis distat ab Hanovia in Occas. et 4. ab Asciburgo.